Një 20-vjeçar ka përplasur me makinë një këmbësor në Durrës, pasditen e sotme.
Nga policia mësohet se i plagosur ka mbetur 76-vjeçari me inicialet V.A, i cili momentalisht ndodhet në spital, nga ku po merr trajtimin e nevojshëm mjekësor.
“Rreth orës 18:55, në lagjen Nr.13 Durrës, shtetasi S.B., 20 vjeç, duke drejtuar automjetin e tij, ka aksidentuar shtetasin V. A., 76 vjeç, këmbësor, i cili ndodhet në spital duke marrë ndihmën e nevojshme mjekësore”, thuhet në deklaratën zyrtare. Grupi hetimor ndodhet në vendngjarje dhe po punon për sqarimin e plotë të rrethanave të aksidentit”, njofton policia./Opinion.al
