Qeveria ka miratuar projektin i cili i hap rrugë krijimit dhe funksionimit të “Durana Tech Park” si parku i parë teknologjik në Shqipëri.
Lajmi është bërë i ditur nga Ministri i Ekonomisë, Kulturës dhe Inoviacionit, Blendi Gonxhja, i cili tha se do të konkurrojë në rajon dhe globalisht duke sjellë përparësi strategjike dhe zhvillim të qëndrueshëm ekonomik për vendin.
Gonxhja tha se fokusi i tij është të nxisë investimet vendase e të huaja si dhe të krijojë një territor me një regjim fiskal dhe doganor të lehtësuar.
“Miratuam sot planin e zhvillimit të detajuar që i hap rrugë krijimit dhe funksionimit të Tirana Durana Park si i pari park teknologjik në Shqipëri dhe që synojmë ta pozicionojmë si një qendër të fuqishme të zhvillimit ekonomik dhe inovativ, i cili natyrisht do të konkurrojë në rajon dhe globalisht duke sjellë përparësi strategjike dhe zhvillim të qëndrueshëm ekonomik për vendin.
Qëlllimi i Tirana Durana Park është që të krijojë një mjedis të veçantë ekonomik dhe teknologjik që ofron kushtet e favorshme për zhvillimin e industrive të avancuara. Fokusi i tij është të nxisë investimet vendase dhe të huaja dhe të krijojë një territor me një regjim fiskal dhe doganor të lehtësuar”, tha Gonxhja.
