Drejtuesi i Prokurorisë së Posaçme kundër Korrupsionit dhe Krimit të Organizuar, Altin Dumani zhvilloi ditën e sotme një vizitë në Hagë.
Dumani u prit në selinë e agjencisë në Hagë nga Presidenti i EUROJUST, Michael Shmid.
Ata diskutuan për rezultatet e arritura si dhe forcimin e mëtejshëm të bashkëpunimit mes dy agjencive të zbatimit të ligjit, SPAK dhe Eurojust.
Lajmi është bërë i ditur nga vetë SPAK përmes një postimi në rrjete sociale.
“Drejtuesi i Prokurorisë së Posaçme kundër Korrupsionit dhe Krimit të Organizuar, z. Altin Dumani u prit nga Presidenti i EUROJUST, z. Michael Shmid në selinë e agjencisë në Hagë. Ata diskutuan për rezultatet e arritura si dhe forcimin e mëtejshëm të bashkëpunimit mes dy agjencive të zbatimit të ligjit, SPAK dhe Eurojust”, njofton SPAK./Opinion.al
