Në interpelancën me Ministrin e Brendshëm, Bledi Çuçin, deputeti i PD Ervin Salianji hodhi akuza për rritje të numrit të vrasjeve mafioze.
Ndërsa akuzoi ministrin se janë më shumë se 100 vrasje të pazbardhura.
Deputeti u shpreh se Salianji kriminelët arrijnë të gjejnë njëri-tjetrin, ndërsa policia me gjithë burimet që ka nuk i gjen dot.
Sipas Salianjit, Dumani e telefonoi vetë policinë pasi u plagos me armë zjarri, për t’i shpëtuar vdekjes.
“Puna juaj matet me parandalimin e krimit në këto nivele dhe padiskutim ka një matës tjetër, zbulueshmëria e krimit. E dini ju që gjatë qeverisjes tuaj ka më shumë se 100 vrasje të pa zbardhura apo jo? Më shumë se 100 vrasje të pa zbardhura në këto vite. E dini ju që siç e di dhe publiku tani, që një prej personave që ka përmbytur hapësin publike në këtë vend, ky Dumani i famshëm ishte në kërkim, vriten me njëri-tjetrin persona që janë në super kërkim policor, shkojnë në mes të Elbasanit, gjejnë njëri-tjetrin. Pra, ata me aq aftësi sa kanë gjejnë njëri-tjetrin ndërkohë që nuk i gjen dot Policia e Shtetit që ka burime financiare dhe ka mundësi dhe kapacitete shumë të mëdha. E gjetën njëri-tjetrin policia nuk e gjeti dot, edhe pas i plagos ai, ky që sot po bën namin. Dhe çfarë ndodhi? U plagos dhe e mori vetë policinë për ta përdorur, për t’i shpëtuar vdekjes, për të bërë ndërhyrje kirurgjikale”,-tha Salianji.
