Deputetja e PD, Grida Duma teksa foli në seancën e kësaj të enjteje në Kuvend ka kritikuar deputetët socialistë që bëhen palë në komisione për çështje që kanë të bëjnë me interesat e disa oligarkëve në vend.
Ndër të tjera, Duma u shpreh se qeveria i sheh qytetarët si individë që kanë para në xhep.
“Ju doni të talleni. Ju keni ardhur këtu të votoni për oligarkët. Kjo ju bën ju as të majtë as të djathtë, por autokratë. Ne e djathta e shikojmë individin si konsumator, si një njeri që duhet të ketë para në xhep. Nuk e shikojmë si njeri që duhet të mbetet në hall. Dhe të marrë 80 mijë lekë të vjetra në muaj familja. Është bërë trendi krimi i organizuar. Po t’i thuash dikujt që je njeri i ndershëm nuk je më trendi. Hajde të bëjmë një tryezë për minimumin jetik. Pyetjen tjetër kam unë mos i nxirrni gjë nga xhepat ju këto lekët apo nga taksat e qytetarëve. Duhet ndërtuar mirëqenia në këtë vend por si ekonomi tregu. Çfarë keni rritur ju ndërtimet, me para të zeza? Ju nuk jeni as të majtë as të djathtë, por votojeni sot për ata të dhjetë që do ju sjellin prapë këtu në rresht dhe vazhdoni mos votoni për ata miliona që kanë ngelur rrugëve. Dhe ata të tërmetit dhe ata të ndihmës ekonomike”,-tha Duma.
