Politikë

Duma: Nëse Basha do më detyronte të votoja mes SHBA e Berishës, do e quaja …


Bëhu pjesë e Grupit Zyrtar të Opinion.al
>> KËTU <<
               Publikuar në : 19:38 - 04/12/21 |
Opi Nion

Nënkryetarja e Partisë Demokratike, Grida Duma ka folur këtë të shtunë për zhvillimet në Partinë Demokratike dhe është shprehur se kreu i PD, Lulzim Basha, vendimin për përjashtimin e ish-kryeministrit Sali Berisha nga grupi parlamentar, nuk mund ta hidhte për votim në forume pasi do të kthehej në një cikël që nuk do të mbaronte kurrë.

Në një intervistë në news 24 Duma thotë se nëse Basha do e detyronte të votonte mes SHBA-së dhe Berishës, do e quante një akt të ulët lidershipi.

“Unë mendoj që sot është momenti i parë që Basha po ndërton një marrëdhënie me demokratët. Fakti që mori përgjegjësinë e një vendimi jo të thjeshtë, fakti që provoi për 3 muaj që tentoi të gjejë gjuhën e përbashkët me Berishën, e mori këtë vendim. Nuk u fsheh pas votës. Nëse Basha do më detyronte të votoja mes Berishës dhe SHBA-së, do e quaja një akt të ulët lideri politik. Nuk kanë qenë vendime që kanë ardhur dhe janë diskutuar me strategji. Vazhdimi i dyshes Berisha-Basha janë mirëpritur. Derisa ndërtuan një rrugë për 8 vite, u takonte të dyve të zgjidhnin çështjen që ndodhej partia. Nëse Basha do e hidhte në votë, do ishte një rezultat i njëjtë me këtë që është. Do të votonim për fitoren e PD dhe jo kundër Berishës. Edhe nëse bëhej kjo votë, do të thuhej se kryetari ka influencuar tek njerëzit e tij. Nuk do të mbaronte kurrë. Fakti që Berisha nuk e pranon, që kjo nuk është një çështje e tij, por e SHBA-së me Berishën, kjo është një çështje që unë nuk di si ta komentoj” – tha Duma./Opinion.la

Pas