Në harkun kohor të 24 orëve në PD dorëzuan mandatin e deputetit dy eksponentë të rëndësishëm, Grida Duma dhe Alfred Rushaj.
Lidhur me zhvillimet në selinë blu, ka folur kryetari i PL, Ilir Meta. Në një konferencë për mediat, Meta tha se dorëzimi i mandatit të deputetit është akti individual, ndërsa tha se parlamenti që doli nga zgjedhjet e 25 prillit të vitit 2021 ishte i deformuar.
“Çdo akt individual është i respektuar , s’më takon të jap komente për dorëheqjet e tyre që në çdo rast duhet të respektohen, Parlamenti i 25 prillit mund të them se ishte i deformuar, dhe pse ishte një hap para në raport me parlamenti e korporatave. Por ishte sërish shumë larg një parlamenti që është shembull i respektimi të kushtetutës”,-tha Meta
