Është shoqëruar me replika mbledhja e sotme e zhvilluar në Komisionin për Punën, Çështjet Sociale dhe Shëndetësinë.
Gjatë diskutimit, deputetja e PD Grida Duma i është drejtuar ministres Bora Muzhaqi dhe i kërkuar të shpjegojë se çfarë masash janë marrë për të parandaluar ikjen e të rinjve.
Teksa Muzhaqi i është përgjigjur se janë kërkuar konsultime me organizata rinore, sa i përket ligjit të vullnetarizmit dhe se është në pritje nga ky Komision, kjo ka sjellë dhe reagimin e Dumës e cila i ka thënë ministres se: “Ndoshta nuk e kuptoni rolin tuaj”.
Pjesë nga debati
Grida Duma: Më shumë se 40 mijë të rinj i mungojnë Shqipërisë për pesë vie. Si e adresoni ju këtë problem për rininë. Kjo është çështja që u ngrit. Rinia po e lë këtë vend. Është ulur lindshmëria dhe kanë ikur të rinjtë , ju si e adresoni këtë problem
Bora Muzhaqi: Masat që kemi parashikuar fillojnë tek forcimi i mekanizmave në nivel qendror dhe vendor për të garantuar pjesëmarrjen e të rinjve dhe të rejave. Kemi kërkuar konsultime me organizata rinore, sa i përket ligjit të vullnetarizmit dhe jemi në pritje nga ky Komision.
Grida Duma: Si thatë?
Muzahqi: Po e përsëris për ta rikujtuar.
Grida Duma: Jo jua kemi rikujtuar ne.
Muzhaqi: Por nuk na ktheni përgjigje.
Grida Duma: Sepse nuk jemi ministri me portofol , Ju prisni si Ministri që ky Komisioni t’ju takojë ju me grupet e biznesit? Procesin e dëgjesës e kemi bërë dy herë. Si ministre e Shtetit keni punë të vështirë sepse nuk jeni dot ekzekutive. Që i kërkoni këtij Komisioni që juve t’ju marrë grupet e interesit këtu!? Nuk di.
Bora Muzhaqi: Herën e fundit më keni thërritur mua. Ne kemi për detyrë të bëjmë komente.
Grida Duma: Ka kaluar koha e komenteve, Ju duhet të ktheni përgjigje këtu. Ndoshta nuk e kuptoni rolin tuaj.
Bora Muzhaqi: E kam shumë të qartë.
Grida Duma: Nëse e keni të qartë mos e ngatërroni veten.
