Automjete në përplasura në aksidente qendrojnë në anë të rrugës kryesore në Kinostudio. Shumica e tyre janë përfshirë në aksidente me vdekje dhe po ashtu në plagosje të rëndë rrugët e kryeqyetit.
Qytetarët shprehen të tmerruar nga këto mjete dhe kërkojnë zhvendosjen e tyre në një ambient tjetër.
“Normal këto duhet të kenë një vend që të grumbullohen se këtu kalojnë njerëz, duken keq, shof edhe kalamaj që luajnë duken shëmtut. Duhet të ketë një vend ku të grumbullohen”, tha nje qytetare për ABC News.
“Kaos, ç’rregullim, nuk e di, nuk është e hijshme për t’u parë, duhet të marrin masa jo vetëm për qarkullimin, se është dhe ndotje pamore”, shprehet nje tjeter.
E kontakuar nga ABC News, Drejtoria e Policisë Rrugore në Tiranë tha se e ka të pamundur sistemimin e automjeteve të përplasura në ambientet e saj të brendshme.
Ambientet e Policisë Rrugore frekuentohen nga një numër i lartë qytetarësh të cilët marrin shërbime dhe paguajnë detyrime, ndërsa duhet të përballen gjithashtu me këto pamjet.
Gjatë 3 muajve të verës mbi 50 aksidente me vdekje ndodhën në të gjithë vendin, ku një pjesë e mirë e tyre ndodhën edhe në Tiranë.
