Dukesha Kate Middleton, është në pritje të fëmijës së tretë. Mediat britanike shkruajnë së familja mbretërore do të zgjerohet edhe më tej, duke cituar burime, të cilët thonë se Kate dhe William kanë bërë të pamundurën që ta mbajnë sekret këtë lajm, por nuk ia kanë dalë. Princi William, 33 vjeç dhe Kate Middleton, 33 vjeç, aktualisht kanë dy fëmijë, princin George dhe princeshën Charlotte.
Edhe në këtë shtatzëni thuhet se Kate ka të njëjtat probleme si me dy fëmijët e parë, pasi vuan nga “hyperemesis gravidarum”, gjendje e përkeqësuar në orët e para të mëngjesit.
Çifti ia ka dhënë lajmin e bukur familjes për Krishtlindje, duke e çuar princin Harry në qiellin e shtatë. “Kate dhe William gjithmonë kanë dashur që të kenë një familje të madhe, por nuk e kishin menduar që fëmija i tretë do të vinte kaq shpejt”, tha burimi.
Dukesha është në muajin e dytë të shtatzënisë dhe duhet të jetë vërtetë e vështirë që të kesh 3 fëmijë me një diference kaq të afërt.
Princesha Charlotte erdhi në jetë më 2 maj të 2015, ndërkohë që princi George ka lindur më 22 korrik 2013 dhe tani ka nisur të shkojë në kopsht.
Pavarësisht asaj që është shkruar gjatë këtyre ditëve, familja mbretërore nuk e ka pohuar zyrtarisht një lajm të tillë, por as nuk e ka mohuar. /gazetashqip/
