Ka përfunduar pas thuajse dy orësh seanca në GJKKO për masat e sigurisë ndaj ish-zyrtarëve të Ministrisë së Shëndetësisë.
Mësohet se avokatja e ish-zv.ministrit të Shëndetësisë Klodian Rrjepaj, Elvira Hysa ka kërkuar nga trupa gjykuese masë më të butë sigurie ose garanci pasurore.
Ndërkohë GJKKO është tërhequr për marrjen e vendimit.
Tvklan ka siguruar foton e biznesmenit Ilir Rrapaj dhe ish-zv.ministrit të Ministrisë së Shëndetësisë Klodian Rjepaj në sallën e gjyqit.
Në foto vihet re se Rjepaj është i buzëqeshur. Rrapaj u arrestua me urdhër të SPAK mbrëmjen e 16 gushtit, teksa ishte me pushime në Dhërmi për koncesionin e sterilizimit dhe akuzohet për ‘Mashtrim’.
Masat e sigurisë dhe akuzat për secilin nga ish-zyrtarët e Ministrisë së Shëndetësisë:
-Klodjan Rjepaj: arrest me burg për “shpërdorim detyre”
-Ilir Rrapaj: arrest me burg për “mashtrim me pasoja të rënda”
-Saimir Kadiu: arrest shtëpie për “falsifikim dokumentesh” dhe “shpërdorim detyre”
-Marsela Serjana: arrest shtëpie për falsifikim dokumentesh dhe shpërdorim detyre
-Arben Gjata: detyrim paraqitje për “falsifikim dokumentesh’ dhe “shpërdorim detyre”
-Naile Ajazi: detyrim paraqitje për “falsifikim dokumentesh” dhe ‘shpërdorim detyre”
-Genc Byrazeri: detyrim paraqitje për “falsifikim dokumentesh” dhe “shpërdorim detyre”
-Petri Mersini: detyrim paraqitje për “falsifikim dokumentesh” dhe “shpërdorim detyre”
