Një biznesmen i njohur amerikan u vra në qendër të qytetit Manhattan ditën e djeshme me armë zjarri.
Departamenti i Policisë së Nju Jorkut publikoi foto të reja që tregojnë autorin, i cili shihet duke qeshur. Sipas hetuesve ai kishte pritur disa orë përpara se të mbërrinte Brian Thompson, CEO i UnitedHealthcare duke e qëlluar disa herë pas shpine.
Brian Thompson, po shkonte në hotelin NewYork Hilton në qendër të Manhattanit, i veshur me kostum dhe kravatë, për të marrë pjesë në një konferencë, e cila më vonë u anulua.
Autori ishte fshehur aty pranë. Sipas punonjësve ai ishte veshur me një xhaketë me kapuç, me një çantë në shpinë.
