Kreu aktual i FSHF-së, Armando Duka ka zyrtarizuar kandidaturën e tij për President të FSHF-së. Përballë tij do të jetë Bashkim Fino, i cili e ka deklaruar disa kohë më parë këtë kanditaturë. Me anë të një statusi në Facebook, Duka larmëron të gjithë ndjekësit për rikandidimin e tij për këtë post, të cilin e mban prej shumë vitesh. Në fund të statusit ai përmend disa prej arritjeve të Federatës, të cilat i konsideron si e ardhme e garantuar.
Statusi i plotë:
SË BASHKU PËR FUTBOLLIN
Ndihem jo vetëm i detyruar por mbi të gjtha i vlerësuar dhe i respektuar që një pjesë e konsiderueshme e komunitetit të futbollit dhe anëtarëve të Federatës Shqiptare të Futbollit ka kërkuar rikandidimin tim në rolin e Presidentit të ketij institucioni.
Pas konsultave me faktorë të rëndësishëm dhe grupe interesi që përfaqësojnë të gjjtha kategoritë, moshat dhe gjinitë vendosa të rikandidoj i bindur se të gjthë bashkë përfshirë dhe ju që nuk keni të drejtë vote mund të vazhdojmë se bashku një rrugë e cila në mënyrë të pashmangshme na ka dërguar te progresi.
Masivizimi i futbollit, fëmijët, të rinjtë, femrat, rezultatet e skuadrës Kombëtare me objektivin madhor për kualifikimin në EURO 2020 dhe Kupën e Botës 2022, arritjet e klubeve në arenën ndërkombëtare, politikat e futbollit dhe e ardhmja e garantuar më japin besim se sërish do vendosim për një futboll shqiptar gjjthnjë e më të mirë.
Që nga ky moment jam në dispozicion te të gjjthë anëtarëve te Asamblesë Zgjedhore.
Me respekt Armand Duka
