Nga Auron Tare
Diku nga Nëndori i 1945, në hollin e Hotel Dajtit mbushur me partizanë të ardhur nga malet dhe oficerë aleatë, një burrë me pallto të zezë pyeste se ku mund ta gjente Sejfulla Maleshovën.
Maleshova, një komunist idealist, shkrimtar ideolog dhe poet kishte shërbyer ca kohe si sekretar personal i Fan Nolit.
Pas rrëzimit të Nolit kishte emigruar nëpër Europë ku një kohë e kishte shpenzuar në Moskë dhe Leningrad, pastaj në Vjenë dhe Paris me KONARE. I kthyer pas pushtimit Italian në Shqipëri, shumë shpejt ishte bërë një nga ideologet e Partisë Komuniste. Në 1945 ishte Ministër i Kulturës Kombëtare.
Burri me pallto të zezë dhe papion që po e kërkonte në Hotel Dajti, ishte Lazar Gusho i njohur si Poradeci, poet ëndërrimtar dhe mësues.
Lagushit i kishin ardhur fjalë se Ministri i Kulturës dhe ai vete një poet i njohur, kishte bërë humor me poezitë e Lazgushit. Për këtë arsye ishte munduar ta gjente deri në Hotel.
Pasi dy poetët u përballën në Hollin e Dajtit, Lazgushi nga Pogradeci i hedh dorashkën poetit nga Malëshova dhe e fton në një duel kalorsiak. Njerzia që mbushte Hollin e Dajtit në atë kohë u bënë dëshmitarë të aktit të fundit kalorsiak në Europë. Dueli i dy Poetëve.
Prill 2025, shtypi mbushur plot me lajme, dikush kishte qëlluar me shuplakë dikë në BB.
