Pas shpërblimit prej 50 milionë lekë për informacionet në lidhje me vendodhjen e të shumëkërkuarit Kelmend Balili, në policinë e shtetit kanë mbërritur me dhjetra telefonata nga qytetarë të ndryshëm.
Burime zyrtare pranë policisë së Shtetit i kanë konfirmuar Televizionit Shqiptar se janë dhënë mbi 20 informacione nga qytetarë dhe qytete të ndryshme, por asnjë prej tyre nuk ka rezultuar e saktë.
Të njëjtat burime thanë se më shumë informacione për vendodhjene Balilit janë dhënë në shqipërinë e mesme kryesisht në Tiranë dhe jo nga zona jugore e vendit ku policia dyshonte se Balili strehoej pranë të afërmve të tij.
Mbi këto informacione grupe të vogla efektivësh të FNSH-së janë angazhuar fillimisht në konfirmimin e informacioneve për zonat e dhëna, pa krijuar tërheqje të vëmendjes së qytetarëve mbi operacionet e kërkimit.
Por sipas burimeve në të gjitha zonat e dhëna nuk ka rezultuar të ketë gjurmë të 46 vjecarit I cili që prej 17 majit është shpallur në kërkimn nga INTERPOL për lliogari të drejtësisë greke.
