Këngëtarja e njohur me origjinë shqiptare Dua Lipa është nderuar ne muzeun e “Madame Tussaund” në Londër me një statujë prej dylli të imazhit të saj. Gjatë ditës së djeshme ajo publikoi një sërë fotosh ku tregoi momentin e ‘takimit’ të Duas me Duan.
Por vizita në këtë muze nuk ka qenë për herë të parë për këngëtaren e njohur. Gjatë mbrëmjes ajo publikoi në rrjete sociale disa foto të vjetra të vitit 2004 ku së bashku me familjen e saj e kanë vizituar këtë muze dhe kanë bërë foto me statujat e personazheve të njohur prej dylli si këngëtarja Jennifer Lopez, grupi i njohur “The Beatles”, familjen mbretërore britanike etj.
“Udhëtimi im i parë në “Madame Tussaund” në vitin 2004 kur së bashku me familjen erdhën ta vizitonim nga Prishtina,”-shkruan Dua Lipa krahas fotove të publikuara ./Xh.K/opinion.al/
