Gjatë muajit janar të këtij viti këngëtarja me origjinë shqiptare Dua Lipa bëri të ditur se statuja me imazhin e saj prej dylli do të ishte pjesë e muzeut të famshëm në Londër të “Madame Tussaund”.
Më në fund “kopja” prej dylli e këngëtares fituese të 2 çmimeve Grammy këtë vit është në këtë muze dhe Dua nuk mund të qëndronte pa bërë foto me “Duan” prej dylli. Së bashku me familjen e saj ata janë argëtuar shumë duke pozuar me statujën e këngëtares, e cila shfaqet e ngurtësuar në dyll në një nga perfomancat e saj më të bukura.
Krahas fotove në rrjete sociale këngëtarja me famë botërore ka shkruar: “Mbrëmjen e shkuar isha tek inaugurimi i statujës time prej dylli në muzeun e “Madame Tussauds”. Isha duke bërë shaka deri në momentin kur e pashë nga afër statujën dhe ndjeva sikur po luanin një lojë vështrimesh për të parë cila prej të dyjave do të mbyllte sytë e para. Totalisht surreale. Falenderoj të gjithë fansat e mi që ishin të pranishëm për të ndarë këtë çast me mua!!! Më kishte marrë shumë malli për ju,”-përfundon Dua në rrjete sociale./Xh.K/
