E përditshmja “The Sun”i ka dedikuar këngëtares me origjinë shqiptare Dua Lipa një shkrim të gjatë duke sjellë në vëmendje të gjithë hapat e suksesit të saj, kur vetëm pak kohë më parë u vlerësua me dy çmime “Grammy Awards”.Shkrimi i “The Sun” nis duke theksuar se tashmë Dua ka botën në këmbët e saj pasi ishte artistja më e nominuar në “Brits Awards” për të dytin vit radhazi. Pas dy “Grammy” të fituar ajo është klasifikuar si artistja femër më e shitur për vitin 2008 dhe gjithashtu pak ditë më parë u nderua në muzeun “Madame Tussaunds” me një statujë prej dylli.
Pasi rendit këto arritje “The Sun” vijon duke shkruar se ndërkohë që 23-vjeçarja Dua shkruate dhe performonte këngët e saj fituese ajo dhe familja e saj jetonin në një hyrje të vogël në Londër, duke pritur që paratë të fitoheshin. Prestigjiozja “The Sun” ka intervistuar miqtë dhe komshinjtë e Duas, të cilët kanë rrëfyer rrugëtimin e saj nga vajza e një familje emigrantësh nga Kosova tek fama e ditëve të sotme. Një famë,e cila pritet të rritet edhe më shumë pas çmimeve Grammy. Shoqja e saj e ngushtë 24-vjeçarja Zana Veseli, e cila e njeh këngëtaren që në fëmijëri tregon se famë nuk e ka ndryshuar aspak atë. “Dua është njësoj siç ka qenë dikur, nuk ka nryshuar. Tërë jetën e saj ajo ka dashur të jetë një yll i popit. Ta shohësh sot teksa fiton kaq shumë çmime është thjesht e mrekullueshme,”-u shpreh Zana.
Dua jetonte deri vitin e kaluar në një shtëpi të vogël në Londër së bashku me babain e saj Dukagjinin 49-vjeç, të ëmën Anesa 46-vjeç, motrën e saj 17-vjeçare Rina si dhe vëllain e vogël 12-vjeçar Gjin.
Komshia e saj Ana Antunes e shihte gjithnjë Duan të kthehej në shtëpi pas mbrëmjeve në festa. 55-vjeçarja Ana thotë: “Kam qenë dy dyer larg Duas e shihja atë tërë kohën. Ajo dilte e veshur me një palë xhinse, një xhaketë të shkurtër dhe një palë atlete, shumë e thjeshtë. Asnjëherë nuk mund të mendoje se ishte e famshme. E shihja shpesh teksa vinte në shtëpi në orën 2:00 të mëngjesit me një grup miqsh. Ata ishin mjaft gazmor gjithnjë duke bërtitur dhe qeshur. Babai i saj ishte shumë i pashëm. Ai i çonte miqtë e saj nëpër shtëpia me Teslën e tij të zezë. Dukeshin një familje shumë e mirë,”-përfundon një nga komeshiet e këngëtares për “The Sun”.
Vajza e komshies së Duas, 31-vjeçarja Anna Batista shton: “Babai i Duas ishte shumë miqësor. E ëma e saj përshëndeste gjithnjë por ishte shumë më e qetë. Ne u habitëm shumë kur mësuam se vajza e tyre ishte e famshmja Dua. Shtëpia e tyre ishte shumë e thjeshtë, dhoma të vogla me mobilje marokene. Nuk është vendi me të cilin ti lidh dikë që ka fituar çmime ndërkombëtare,”-përfundon 31-vjeçarja. Dua më herët është shprehur se prindërit e saj ikën nga Kosova e shkatërruar nga lufta në vitin 1992. Gjyshi i saj nga ana e të atit, Seit Lipa, i cili ndërroi jetë në vitin 1999 ishte kryetari i Institutit të Historisë në Kosovë. Por kur gjyshi i saj Seiti refuzoi të rishkruante librat e historisë ku thuhej se Kosova kishte qenë gjithnjë pjesë e Serbisë, ai humbi punën e tij dhe të afërmëve iu desh të largoheshin pasi u rrezikohej jeta.
Dua lindi në vitin 1995, tre vjet pasi prindërit e saj kërkuan azil në Britani. Kur lufta në Kosovë mbaroi dhe Dua ishte 11 vjeç ata u kthyen në atdhe, për të ardhur Dua sërish 4 vjet më vonë të jetonte me Zanën.Në 2015 një producent dëgjoi coverin e këngës “Cocoa Butter Kisses” nga Chanse The Rapper në YouTube dhe ajo firmosi me Ëarner Bros.Debutimi I saj I parë ishte me “Be The One” i cili hyri në 10-shen më të mirë në Britani për të vijuar më pas sërinë e sukseseve dhe arritjeve deri në ditët e sotme./Xh.K/Opinion.al/
Përshtatur në shqip nga “The Sun”
