Këngëtarja shqiptare Dua Lipa ishte e përzgjedhura speciale për të hapur mbrëmjen e shkuar një nga eventet më të mëdha në muzikë, MTV EMA, që u mbajt në Qendrën e Konferencave dhe Ekspozitës FIBES, në Spanjë.
24-vjeçarja performoi këngën e saj më të re “Don’t start now”, me një veshje tejet ekstravagante. Me një rrip që i mbulonte gjoksin dhe të pasmet e ekspozuara, Dua Lipa ia arriti qëllimit të ndizte skenën. Ajo performoi plot vetëbesim një koreografi fantastike të krijuar nga Charm La’Donna, një nga emrat më të njohur të koreografisë.
Pas ekzekutimit plot energji, Dua u ul pranë të dashurit të saj Anwar Hadid i cili i dhuroi një puthje për ta përgëzuar për triumfin. Gjatë ceremonisë ajo foli gjithashtu për albumin e saj të ri, duke rrëfyer se është një miksim i muzikës së vjetër dhe të disa zhanreve të reja./Opinion.al
