Momentet më të lezetshme në rrjetet sociale të Dua Lipës janë ato ku ajo shfaqet me të dashurin Isaac Carew. Dy të rinjtë duken mjaft të dashuruar gjithmonë. Në asnjë moment ata nuk ngurrojnë ta shfaqin këtë. Mirëpo së fundi Dua është parë duke festuar me një mashkull tjetër. Ky i fundit madje i bën edhe karshillëk të dashurit të Duas. Ajo që bën përshtypje është që në postimin e tij, ai ka ngatërruar emrin e të dashurit të këngëtares. Ose ndoshta pa dashje ka zbuluar që Dua është ndarë nga Isaac dhe është rikthyer me Calvin Harris.
“Yo Calvin, po festoj me të dashurën tënde,” shkruan ai.
Në fakt bëhet fjalë për mundësin me famë botërore, Hulk Hogan. Hogan ka publikuar foton me Duan në Twitter. Përveç fjalëve të mësipërme, ai ka shkruar edhe se është badigardi i ri i këngëtares. Mesa duket, këngëtarja e muzikës pop është artistja e preferuar e Hogan.
E duke u kthyer te pyetja: “Me kë është e lidhur Dua Lipa?”, këngëtarja ka publikuar foton e fundit me Isaac në datën 26 dhjetor. E kemi të vështirë ta besojmë që brenda një harku kohor prej 5 ditësh ajo të jetë ndarë nga Isaac dhe të jetë rikthyer me Calvin Harris. Megjithatë, nuk është e pamundur!/Opinion.al
Dua Lipa has a new bodyguard brother,yo Calvin partying with your girl. HH pic.twitter.com/BaDZbTbITV
— Hulk Hogan (@HulkHogan) January 1, 2019
