Drejtuesi i emisionit “Opinion”, Blendi Fevziu ka shpërndarë një video në rrjetet sociale nga momenti i përplasjeve në ndeshjen Serbi-Shqipëri në Beograd më 14 tetor të vitit 2014.
Videoja është bërë vetëm pak minuta pasi u ngrit droni i cili fluturoi në stadiumin e Partizanit të Beogradit me flamurin ku shfaqej Shqipëria e Madhe, krahas së cilës shkruhej Autochthonous (autoktonë).
Në videon e bërë nga vet Fevziu shihen gazetarë dhe analistë të cilët kishin shkuar për të ndjekur ndeshjen nga afër, por gjithçka u kthye në kaos për shkak të flamurit.
Ngritja e flamurit bëri që tifozët dhe lojtarët serb të përplaseshin fizikisht me lojtarët shqiptarë të cilët mbrojtën flamurin që zbriti me dron në mes të fushës së stadiumin e Partizanit të Beogradit. Në fund të videos, shihet edhe nëna e shqetësuar e ish-futbollistit të Kombëtares shqiptare Andi Lila.
Pranë gazetarëve dhe tifozëve shqiptarë ndodhen forca të shumta policore që përpiqen të vënë situatën nën kontroll.
Ndeshja Serbi-Shqipëri e vitit 2014 do të mbahet mend jo për lojën e bukur të futbollistëve, por se si politika dhe problemet jashtë sportit sollën dhunën fizike në futboll dhe sigurisht dhe për guximin e lojtarëve shqiptarë.
Postimi i plotë
14 Tetor 2014. Kjo video e papublikuar me pare eshte bere ate nate me stadiumin e Partizanit te Beogradit. Pak minuta me pare droni me simbolet kombetare shqiptare kishte fluturuar mbi stadium dhe per siguri, tifozet e pakte shqiptare u detyruan te futen brenda. Jane xhirime te tensionuara. Ne fund duket edhe mamaja e Andi Liles e merakosur per te. Nje nate e paharruar ajo per ne qe ishim ne stadium.
View this post on Instagram
