Thyerja nga ana e policisë e Platformave të fshehta të mesazheve që komunikojnë kriminelët Sky ECC ka çuar në një mori arrestimesh në të gjithë Ballkanin, ku bie në sy emri i bosit famëkeq të drogës Darko Sariç dhe ish-kreut të gjykatës së lartë të Malit të Zi.
Pas thyerjes së këtij aplikacioni, rreth orës 10:00 një duzinë fuoristradash të zeza të policisë mbërritën në periferinë e Beogradit, Dedinje, shtëpia e ambasadorëve të huaj, mauzoleumi i Josip Titos dhe i një bosi famëkeq droge i quajtur Darko Sariç.
Sariç ishte pas hekurave që nga viti 2014 kur u arrestua me dyshimin për kontrabandë 5.7 ton kokainë nga Amerika e Jugut në Evropë. Në vitin 2018, ai u dënua me 15 vjet burg. Më pas, në vitin 2021, vendimi u anulua dhe u urdhërua një rigjykim. Sariç u lirua në fund të vitit të kaluar, por u vu në arrest shtëpiak në pritje të rigjykimit të tij.
Policia qëndroi tetë orë brenda shtëpisë së gruas së tij, një ndërtesë mbresëlënëse e verdhë e rrethuar nga një gardh i bardhë i lartë me kamera sigurie. Në fund të ditës, më 14 prill, Sariç u kthye në paraburgim pasi dyshohet se vazhdonte kontrabandën e kokainës nga pas hekurave dhe urdhëroi vrasjen e partnerit të vjetër dhe të arratisurit Milan Milovaç.
Thuhet se përdori disa telefona celularë, dy telefonave satelitorë dhe një pajisjeje të personalizuar të instaluar me një sistem mesazhesh të koduar vetëm me abonim të quajtur Sky ECC.
Kur një operacion policor i udhëhequr nga francezët dhe holandezët hapi kodin në Sky ECC në shkurt 2021, hetuesit fituan akses në një thesar provashkundër një mori bandash kriminale ndërkombëtare.
Mijëra njerëz janë arrestuar në mbarë botën pas transkriptimit të mesazheve të këtij aplikacioni në Ballkan, Sariç është më i madhi, por ai nuk është i vetëm.
Në Serbi, Bosnjë dhe Hercegovinë, Shqipëri, Mal të Zi dhe Slloveni, pothuajse 100 persona janë arrestuar dhe akuzuar si rezultat i provave të marra nga komunikimet e Sky ECC, për krime që përfshijnë trafik droge, vrasje dhe rrëmbim. Në të njëjtën ditë kur Sariç u arrestua në kryeqytetin serb, policia në Kroacinë fqinje arrestoi 10 persona në një operacion të përbashkët me policinë në Francë, Belgjikë, Holandë, Austri dhe Spanjë.
Vetëm në disa raste në Ballkan janë konfirmuar aktakuza nga gjykatat. Dhe megjithëse hetimet kanë zbuluar lidhje midis zyrtarëve publikë dhe figurave të krimit, deri më tani vetëm disa nga zyrtarët janë paditur.
Ekspertët ligjorë, ndërkohë, paralajmërojnë shqetësime rreth ligjshmërisë se si dorëzohen dhe ruhen të dhënat – nga Sky ECC, pyetje që kërcënojnë pranueshmërinë e tyre në gjykatë./Opinion.al
