Gjatë 24 orëve të fundit Policia e Tiranës ka kryer një aksion të gjerë, i cili ka patur si bilanc 8 persona të arrestuar për vepra të ndryshme penale.
Landi Boça, 24 vjec, banues në Tiranë është arrestuar në flagrancë , pasi iu gjet dhe iu sekuestrua në cilësinë e provës materiale një dozë lëndë e dyshuar narkotike e llojit kanabis sativa.
Jurgen Malkja, 21 vjeç, banues në Tiranë, sepse para 2 muajsh, në rrugën “Myslym Shyri”, ka qënë i punësuar provizorisht në një lokal dhe me anë të mashtrimit ka marrë xhiron ditore.
Mikel Marku, 22 vjeç, banues në Tiranë, (Domje), pasi punonjësit e kompanisë OSHEE, kanë konstatuar vjedhje të energjisë elektrike me të cilën furnizonte lokalin e tij.
Florian Shahini, 43 vjeç, banues në Kombinat, sepse ka dhunuar fizikisht nënën e tij Z. Shahini, e datëlindjes 1938 e cila ndodhet në Q.S.U, me fraktura në kokë dhe në pjesë të ndryshme të trupit.
Klajdi Gjuzi, 22 vjeç, banues në Tiranë, pasi duke drejtuar mjetin tip “BMË”, me targë AA 880 OD, ka përplasur biçiklistin Hyqajet Osmani, 77 vjec, banues në fshatin Vrap,i cili ndodhet në spital nën kujdesin e mjekëve.
Genc Plaku, 45 vjeç, banues në Tiranë i cili u kap duke drejtuar pa targa dhe pa leje drejtimi mjetin tip “Lionçin”.
D .D, 17 vjeç ,banues në Tiranë sepse u konstatua duke drejtuar mjetin tip “Benz”, me targë AA419BX, pa leje drejtimi.
Kristo Zepishta, 24 vjeç, banues në Tiranë u konstatua duke drejtuar mjetin motorr, tip “Lifan”, me targë CAE418, pa leje drejtimi./tvklan.al
