Një person është vënë në pranga nga policia greke, ndërsa dy të tjerë janë shpallur në kërkim. Mediat greke shkruajnë se është arrestuar një shtetas me origjinë nga Saranda, ndërsa janë në kërkim edhe dy persona të tjerë, emrat dhe kombësia e të cilëve nuk bëhen publike.
Mësohet se Policia greke ka sekuestruar 67 kilogramë kanabis në aksin rrugor që lidh Igumenicën me Artën në zonën e Epirit në Greqinë Veriore.
Policia thotë se ishte në dijeni për trafikimin e kësaj ngarkese me narkotikë, ndaj edhe e kishte vënë në monitorim automjetin e nisur nga kufiri mes Shqipërisë dhe Greqisë.
Ndërsa i arrestuari u dërgua në Gjykatën e Artës e cila e la në paraburgim deri në përfundim të hetimeve kurse automjeti, dy celularë dhe një sasi eurosh u sekuestruan./Opinion.al
