Gjykata e Durrësit ka dhënë masën e sigurisë për 20 punonjësit e Portit të Durrësit, të cilët u arrestuan pasi dyshohen se janë përfshirë në trafik të lëndëve narkotike.
Mësohet se gjykata ka vendosur masën e sigurisë “Arrest në burg” për 9 nga të arrestuarit, ndërsa për 11 të tjerët është dhënë masa “Detyrim me paraqitje”.
Arrestimi i punonjësve të Durrësit u bë pasi gjatë kontrolleve të kryera nga Task Forca permanente e përbashkët e përbërë nga Policia Kufitare e Portit të Durrësit, Policia Kriminale e DVP Durrës dhe nga Autoritetet Doganore të Portit, në Portin e Durrësit është konstatuar një kontenjer i paplumbosur me plumbçe.
Pasi është hapur ky kontenjer, është vënë re se sipërfaqja e tij ka qenë e ngarkuar me arka me banane, dhe se në kontenjer mungonin dhjetëra arka me banane.
