Një shqiptar u prangos nga policia greke pasi u kap me 312 kg marijuanë në kufirin greko-shqiptar.
Aksioni u finalizua në zonën pyjore të Antartiko, Follorinë. Burime për “Panorama” thonë se policia greke pa 3 persona që kalonin kufirin me 4 mushka të ngarkuara me çanta dhe është vënë në ndjekje të tyre.
Pas ndjekjes është arritur të kapet vetëm një 21-vjeçar shqiptar, pasi dy të tjerët kanë ikur me vrap, duke braktisur mushkat e ngarkuara me drogë.
Policia gjeti 4 mushkat e ngarkuara me 16 çanta me 137 pako, në total 312 kg e 645 gram marijuanë.
Operacioni mësohet se është zhvilluar në kushte të vështira pasi ka pasur shi dhe mjegull.
