SPAK ka dalë ditën e sotme në një konferencë për shtyp, ku prokurori Vladimir Mara ka folur rreth operacionin antidrogë që çoi në pranga 20 persona.
Sipas prokurorit, ky grup merrej me trafikun e lëndëve narkotike, si kanabis, heroinë e kokainë. Aktiviteti i tyre ishte i shtrirë nga Siria, Turqia, Greqia, Maqedonia e Veriut, Shqipëria, Italia e vende të tjera të BE.
Droga sipas Marës transportohej me kamionë, e kamufluar në mënyrë të tillë që të mos dallohej në skanerat.
Sipas SPAK, falë hetimeve është bërë e mundur dokumentimi i episodeve të shumta të trafikut të lëndëve narkotike dhe janë identifikuar të 21 personat e përfshirë në këtë aktivitetet kriminal.
Nga këto, 20 masa janë ekzekutuar këtë të martë, ndërsa tjetri i shpallur në kërkim ndërkombëtar.
