Kronikë

Drogë me charter, historia e shqiptarit që prodhoi 2 miliardë $ në muaj


Bëhu pjesë e Grupit Zyrtar të Opinion.al
>> KËTU <<
               Publikuar në : 16:56 - 26/07/21 |
Opi Nion

Shqiptari Agim Çerma u arrestua një javë më parë në Kolumbi si drejtues i një grupi që dërgonte kokainë në SHBA, përmes fluturimeve me charter.

Mediat kolumbiane i kanë kushtuar sërish një artikull drejtuesit shqiptar të grupit, i cili në fakt është përpjekur me shumë kujdes të mbulojë çdo gjurmë dyshimi mbi aktivitetin e tij.

Pavarësisht se prodhoi 2 miliardë dollarë në muaj për kartelin ballkanik, ‘Jimy’ nuk kishte makina ose telefona celularë, jetonte me qira, pretendonte të ishte një inxhinier civil dhe udhëtonte vetëm në linjat ajrore dhe automjetet e shërbimit publik. Për shtatë vjet, Agim Çerma, një shtetas shqiptar, mbërriti në Kolumbi dhe zhvilloi këtë mënyrë jetese, që  të mos zbulohej lidhja e organizatës kriminale evropiane me “Clan del Golfo” dhe disidentët e Farc. Në vitin 2014, shqiptari mbërriti me gruan dhe njerkun në vend.

Ai mori me qira një shtëpi në veri të Barranquilla dhe prej andej filloi aktivitetin e tij kriminal. Sipas hetimeve ai kishte zgjedhur vendin ideal për shkak të afërsisë me portet kryesore çka do të lehtësonte dërgimin e kokainës me anijet që udhëtonin në Shtetet e Bashkuara dhe destinacionet evropiane. Pa llogaritur që brenda Kolumbisë, saktësisht në departamentin e Valle del Cauca, ‘Jimmy’, me sa duket, koordinonte fluturimet charter që shfrytëzoheshin për transportin e drogës. Sipas autoriteteve, banda kriminale përdori fluturime charter për të dërguar drogë në Evropë.

Kërkesa e lartë

Dërgesat ishin gjithnjë e më të larta ndaj Çerma gjithashtu duhej të mendonte se si paratë e drogës do të hynin në Kolumbi. Hetimet zbuluan se këto të ardhura u dhanë përmes ndërmjetësve financiarë, pra palëve të treta.

Me rritjen e fitimeve, pak nga pak lidhja midis grupeve kriminale kolumbiane dhe kartelit ballkanik u forcua dhe kjo nënkuptonte që ‘Jimmy’, gjoja investitori kryesor në këtë manovër të paligjshme, duhej të rriste edhe dërgesat. Për këtë arsye ai dha ryshfet shuma të mëdha parash tek zyrtarë të lartë për të kontrolluar fluturimet në vend, deri ditën e kapjes së tij./Opinion.al

Pas