Te Fundit

Drogë gjithandej, nga veriu në jug parcela me kanabis


Bëhu pjesë e Grupit Zyrtar të Opinion.al
>> KËTU <<
               Publikuar në : 10:05 - 02/09/15 |
b.f

Dukagjin, Tepelenë, Vlorë, Krujë, etj. janë zona ku vetë policia njofton se ka parcela pa fund të mbjella me kanabis. Referuar njoftime zyrtare mësojmë se sot (e mërkurë) policia e Krujës dogji rreth 1 500 rrënjë kanabis të kultivuar në 12 parcela në fshatrat Larushk dhe Zallë.

Gjatë këtij aksioni policia ka pikasur disa persona të paidentifikuar të cilët janë larguar me shpejtësi duke hedhur në ferra dy armë zjarri, pushte dhe snajper të cilat u sekuestruan në cilësinë e provave materiale.  “Vështirësia me të cilën po përballet policia në këto aksione është identifikimi dhe kapja e kultivuesve të drogës, pasi lënda narkotike kultivohet përgjithësisht në toka në zona të thella malore të cilat janë pa pronarë”, thuhet ne njoftimin per mediat.

Po sot policia bën të ditur se 9 476 rrënjë kanabis sattiva e ndarë në 18 parcela është asgjësuar në Vlorë ndërkohë që dy vëllezërit kultivues janë shpallur në kërkim, Pëllumb Nushaj, 61 vjeç dhe Gëzim Nushaj, 51 vjeç. Ndërsa në fshatin Dushkarak ku u asgjësua me djegie në 13 parcela përgjatë Lumit Vjosë me rreth 5.960-rrënjë bimë narkotike. Kujtojmë se në këtë fshat vetëm një javë më parë u ngrit një avion me 120 kg kanabis sativa.

Ndersa një ditë më parë policia njoftoi se 400 forca janë në Dukagjin për identifikimin dhe asgjësimin e parcelave me kanabis. Ndërkaq edhe në malësinë e Tepelenës vijojnë kontrollet për kanabis.

KOMENTO (0)

Shkruaj nje koment

    Pas