Policia e Vlorës ka arrestuar ditën e sotme shtetasin Erlis Dollani, 31 vjeç, banues në Vlorë i shpallur në kërkim për kanosje me armë zjarri.
Ky shtetas, ka kanosur me armë zjarri shtetasin M.Z. për motive të dobëta (shlyerje borxhesh) pasi ky i fundit i ka shkuar në banesë për t’i kërkuar disa para që Dollani ia kishte borxh.
Personi i shpallur në kërkim, në momentin që pikasi ardhjen e shërbimeve të policisë, tentoi të largohej nga banesa, por u bë neutralizimi dhe kapja e tij në mënyrë të menjëhershme si dhe sekuestrimi i armës së zjarrit që mbante në duar në tentativë për të ikur.
Gjithashtu, gjatë kontrollit të ushtruar brenda në banesën e këtij shtetasi, është gjetur një sasi me lëndë narkotike prej 60 gr, e llojit “kanabis sativa”.
Shtetasi Ersil Dollani, është person me precedent penal, i shpallur në kërkim për vjedhje automjetesh dhe banesash, i dënuar më parë për kanosje dhe armëmbajtje pa leje, etj.
Policia ka sekuestruar në cilësinë e provës materiale: 1 armë zjarri “automatik model 56”, 50 fishekë të kalibrit 7.62 mm, 2 krëhëra, 60 gr lëndë narkotike.
