Duke folur për dy ngarkesa droge të kapura brenda pak ditësh në portin e Durrësit, gazetari Artan Hoxha tha se të dyja këto ngarkesa kanë përdorur linja të ndryshme për të hyrë në vend, çka lë të kuptohet se u përkasin grupeve të ndryshme.
Referuar ngarkesës së fundit, e kapur në datën 10 Prill, Hoxha tha se bëhej fjalë për drogë të një cilësie tepër të lartë.
“Cilësia ishte jashtëzakonisht e pastër. Cilësi e cila në përzierje mund të shkojë deri në 3.5 kg. Nga 140 shumëzoje me 3, është ajo që është kap”, tha Hoxha.
Duke përshkruar rrugën e të dy konteinerëve, Hoxha tha: “Në rastin e datës 1 prill, ka shkuar në kufirin turko- sirian dhe pastaj ka ardhur në Shqipëri. Ndërsa në rastin e dytë, ka kaluar në Panama, Itali, Pire dhe pastaj ka ardhur në Shqipëri. Kanë bërë dy linja të ndryshme dhe tregon që janë 2 grupe të ndryshme që kanë testuar ta bëjnë këtë gjë”, tha Hoxha./Opinion.al
