15 persona janë arrestuar ditën e sotme nga Guardia di Finanza, në Itali si pjesë e një operacioni antidrogë.
Sipas mediave italiane personat e arrestuar janë pjesë e një klani të përbërë nga italianë dhe shqiptarë të akuzuar për trafik ndërkombëtar droge.
Autoritetet bëjnë me dije se lëndët narkotike si: heroinë, kokainë, hashash dhe marihuanë, vinin nga Shqipëria, ku investoheshin të ardhurat e akumuluara të paligjshme.
Baza e organizatës ishte në Scanzano Jonico (Matera), në një fermë që shërbente si “ekran” për trafikun e drogës.
Grupi përdorte një platformë mesazhesh të konsideruar “të sigurt dhe të blinduar”.
Në momentin e arrestimi, janë sekuestruar 20 kg heroinë, 5.7 kg marijuanë dhe 105 gram kokainë. Krahas arrestimit të 15 personave, kryesisht shqiptarë, është arrestuar edhe kreu i organizatës dhe bashkëpunëtori i tij më i afërt i cili ishte edhe pronar i fermës që shërbente si baza e bandës.
Gjatë kontrollit u kryen sekuestrime parandaluese të aseteve, të drejtpërdrejta dhe të barasvlershme. një vlerë prej 4.2 milionë euro, që i përgjigjet fitimit të vlerësuar nga trafikimi i paligjshëm i lëndëve narkotike.
Të ardhurat nga trafiku i drogës që mbërrinin në Itali nga substancat që shpërndaheshin në të gjithë territorin, investoheshin në Shqipëri për blerjen e pasurive të paluajtshme dhe aktivitetet tregtare./Opinion.al
