Prokuroria për Krimet e Rënda ka përfunduar hetimet për zyrtarët e Portit të Durrësit, doganës së Qafë Thanës, Vorë e Durrës, të akuzuar për veprën penale “Trafikim i narkotikëvë” dhe “Shpërdorim detyre” në bashkëpunim, duke dërguar për gjykim 25 persona.
Ata akuzohen për dy episode kriminale dhe si një grup i strukturuar që bashkëpunon në trafikimin e lëndëve narkotike Cannabis Sativa nga Porti i Durrësit drejt Portit të Ankonës, Itali.
Rasti i parë ka ndodhur në 5 shkurt 2017, kur në Itali u kap një kamion me 8 ton drogë, e cila kishte hyrë në Shqipëri nga Maqedonia nëpërmjet pikës doganore Qafë-Thanë dhe ka dalë nga pika e kalimit kufitar në portin e Durrësit.
Rasti i dytë ka ndodhur më 24 mars 2017, kur në Itali u kap një kamion me shofer shqiptar, me rreth 2.2 ton kanabis në bord.
Për gjykim është dërguar Florenc Tresa, i akuzuar për vepren penale “Trafikim i narkotikëve”, në bashkëpunim.
Ndërsa, të akuzuar për veprën penale “Shpërdorim detyre” në bashkëpunim, janë shtetasit: Lirim Halili, Çlirim Pepa, Ervin Kodra, Iliras Malja, Ymer Blloshmi, Ilir Spahiu, Maliq Kadilli, Kastriot Topalli, Vladimir Ziu, Elis Deliu, Ylli Vogli, Erald Kulla, Edmond Luzi, Agron Kapllani, Gëzim Dërvishi, Roland Metani, Gentian Selmani, Mehdi Demiri, Mexhit Xhixha, Nezir Bardhoshi, Julian Doraci, Fatmir Plaku dhe Behar Sula, të gjithë punonjës doganor të doganave Qafë Thanë, Vorë, Durrës, si dhe punonjës të policisë kufitare të Pikës së Kalimit Kufitar Qafë Thanë dhe pranë Portit Durrës.
Krimet e Rënda, bëjnë me dije se hetimet vazhdojnë për personat e tjerë të dyshuar si anëtarë të këtij grupi kriminal.
