Është arrestuar në Tiranë Marko Bushi, 41 vjeç, banues në Urakë të Burrelit. Ai akuzohet për kultivim droge dhe ishte shpallur në kërkim prej 1 viti.
Policia e Shtetit bëri të ditur se ky person gjatë ndërhyrjes për asgjësimin e drogës më fatë 05 tetor 2016 ka kërcënuar prokurorin e rrethit Mat. Gjatë atij operacioni janë gjetur e asgjësuar 10 480 bimë Cannabis Sativa.
41 vjeçari u kap në një lokal në në rrugën “Jordan Misja” Tiranë, teksa pinte kafe qetësisht edhe pse ishte person në kërkim. Ai drejtonte grupin e trafikantëve të Matit, tha policia. Veprat penale që rëndojnë mbi të janë:”Prodhimi dhe shitja e narkotikëve”, “Kultivimi i narkotikëve”, “Grupi i strukturuar kriminal”, dhe “Kryerja e veprave penale nga organizata kriminale dhe grupi i strukturuar kriminal”.
Vijon puna për dokumentimin e plotë dhe kapjen e personave të tjerë të këtij grupi kriminal, tha policia.
/Opinion.al
*Pamjet e arrestimit
