Forcat e Ndërhyrjes së Shpejtë të Shkodrës kanë arrestuar mbrëmjen e sotme në Lezhë një tjetër të shpallur në kërkim për 1.5 ton drogë të zbuluar në një hambar në plazhin e Vilunit pranë Velipojës. Në pranga ka rënë F.M, 32-vjeç nga Këlcyra e Përmetit.
Më herët 5 persona janë arrestuar në flagrancë, ndërsa 2 të tjerë mbeten në kërkim. Mes të arrestuarve është edhe një oficer policie i cili kishte dalë garant për transportin e drogës. Ai quhet Enriko Zyle, efektiv te Policia Kufitare Tiranë. Të arrestuarit e tjerë janë Sokol Ujka, 42 vjeç, banues në Velipojë Shkodër, Arbër Bozhanaj, 30 vjeç, banues në Orikum Vlorë, Genti Dano, 35 vjeç, banues në Selenicë Vlorë dhe Dervish Gjolekaj, 32 vjeç, banues në Dukat Vlorë. Në kërkim mbetet J.B, 20 vjeç, banues në Orikum Vlorë dhe GJ.N, 44 vjeç, banues në Lezhë.
