Në pikën kufitare të Kapshticës janë ndaluar sot dy kamiona me një sasi jashtëzakonisht të madhe kanabisi. Dy kamionët të cilët po udhëtonin drejt Greqisë, u pikasën nga anti-kontrabanda dhe policia sekuestroi drogën.
Kanabisi ishte fshehur në disa thasë brenda kamionit që transportonte krunde. Sipas burimeve nga policia vetëm në kamionin e parë janë peshuar rreth 1 ton kanabis sativa.
Ndërkohë që po peshohet dhe droga e gjetur në kamionin e dytë. Sipas të dhënave droga, destinacion final kishte Turqinë, duke kaluar së pari nga Greqia. Droga është pikasur nga anti-kontrabanda në dy kamionë, njëri me targa AA 874 UZ .
Policia ka ndaluar dy drejtuesit Zija Hidri 58 vjeç dhe Ardian Sako 47 vjeç./E.L
