Ish-kryeministri Sali Berisha, ka ironizuar kryeministrin Edi Rama dhe Drejtorin e Përgjithshëm të Policisë Haki Çako, lidhur me arritjet e tyre imagjinare në luftën kundër drogës.
Përmes një shënimi në Facebook, Berisha shkruan se Edi Rama dhe Haki Çako janë krenarë me suksesin e madh në eksportin e drogës, ku çdo javë nisen tonelata drejt Italisë.
Shënimi i plotë;
Noriega dhe Haki droga, krenarë me suksesin e madh në eksportin e drogës. Po nisin çdo javë tonelata ne Itali!!
Të dashur miq, Noriega dhe Haki droga, me operacionet e tyre të fuqishme kundër drogës dhe trafikantëve, kanë arritur kohët e fundit suksese të mëdha në eksportin e kanabisit. Kështu, çdo javë, falë luftës me zero tolerancë të tyre kundër kanabisit, ata nisin si eksport 2-12 ton hashash. Këtë herë të fundit nxorrën 1000 policë nga toka, deti dhe ajri për të bllokuar trafikantët, por jo ata që eksportojnë mall, ndaj u eksportuan 2.3 ton!?
Lexoni lajmet e fundit per keto suksese dhe shikoni fotot dhe videot e publikuara ne media. sb
