Një organizatë e madhe droge është kapur sot në Siçili. Mediat italiane shkruajnë se kapoja ishte shqiptari, Moisi Habilaj.
Habilaj nuk është emër i panjohur. Ish-Kryeministri Sali Berisha disa herë ka akuzuar publikisht ish-ministrin e Brendshëm Saimir Tahiri se Habilajt kanë transportuar drogë me makinën e tij në kohën kur ky i fundit ishte në krye të Ministrisë së Brendshme.
Me arrestimin në Itali të Moisi Habilajt kanë ardhur edhe reagimet e para. Është pikërisht Dritan Zagani, që nga azili politik ku ndodhet deklaron se personi i arrestuar është pikërisht kushëriri i Saimir Tahirit.
Statusi në facebook i ish-policit të antidrogës Zagani
Arrestohet ne Itali kushuriri i preferuar Moisi Habilaj….nje ” bisnesmen” i ndershem nga Vlora qe me “djersen” e ballit keto 4 vite qeverisje te rilindjes rriti fitimet e bisnesit ne ca miliona euro…!
Vite me pare kur une si polic i “korruptuar” u arrestova me urdher te kushuririt te Moisiut, ministrit te asokohe z.Saimir Tahiri,,nga Saja dhe shefi i tija u tha qe une isha nje i arratisur dhe kriminel qe bashkepunoja me trafikantet dhe se kushuriri i shkrete ishte bisnesmen i paster ….!
Çfare te them me teper…jam pa fjale …vetem pres me ankth si do reagoj Shqiperia ime( shtypi dhe mediat) apo dhe vete shteti im per keto “shpifjet” qe une kam vite e vite qe i hetoja ne cilesine e policit…si dhe i kam deklaruar si fakte te fatkeqesise time para me shum se dy vite ne menyre publike….dhe u shpallen si shpifje nga te gjitha strukturat e shtetit deri te vete lartgjateaia e tije zoti Rama….!
Organizata kriminale
Arrestime të rëndësishme janë kryer sot në Itali. Me urdhër të prokurorisë së Siçilisë janë arrestuar 3 shqiptarë dhe 4 italianë, ndërsa për 4 shqiptarë të tjerë është lëshuar urdhër-arrest ndërkombëtar në rang europian.
Gjatë operacionit, të koduar “Trëndafili i erës” janë sekuestruar 20 mijë euro para cash. Ndërkohë, nga hetimet është zbuluar se grupi kriminal në vitet e fundit kishte arritur të transportonte nga bregu shqiptar drejt Italisë mbi 3.5 tonë marijuanë, të sekuestruara bashkë me armë, kryesisht kallashnikovë dhe municione.
Gjatë hetimeve janë arrestuar 20 korrierë. Lënda narkotike kishte si destinacion zonat: Katania, Raguza dhe Sirakuza. Të arrestuarit janë: Antonio Riela, Vincenzo Spampinato, Gianluca Passavanti, Angelo Busaça dhe shqiptarët: Moisi Habilaj, Maridian Sulaj, Fatmir Minaj. Po sipas mediave italiane, kreu i organizatës së fuqishme kriminale ishte Moisi Habilaj.
/Opinion.al
*Në foton kryesore Moisi Habilaj
*Statusi i Zaganit në facebook
*Fotot e te gjithe të arrestuarve
