Gazetari Basir Çollaku ka reaguar menjëherë lidhur me deklaratat e bëra nga kryeministri Edi Rama, mbrëmjen e djeshme, në emisionin “Zonë e Lirë” mbi pretendimin se Gjykata për Krimet e Rënda ka dënuar për ‘dekonspirim’ ish-kreun e Antidrogës në Fier, Dritan Zaganin.
Përmes një shënimi në Facebook, Çollaku ka hedhur poshtë deklaratën e Ramës, ndërsa akuzoi këtë të fundit se gënjente.
Mesazhi i Çollakut:
Rama i lire te genjeje live ne Zone e Lire per Zaganin.
Kryeministri Edi Rama genjen live. Dritan Zagani nuk eshte denuar nga Gjykata per Krime te Renda. Çeshtja eshte ende ne gjykim ne Gjykaten e Fierit dhe akuza nuk eshte ajo qe tha z. KM. Oficeri italian do te deshmoje ne fund te vitit, sic ka vendosur Gjykata e Romes. Shpifja tjeter e Rames per akuze bashkepunimi me trafikantet. Prokuroria nuk ka hetuar akuzat e Zaganit. Ka qene nje relatim drejtorise se pergjithshme policise per te verifikuar pretendimet e shefit te antidroges. Dhe kjo ne menyre te çuditshme nga Prokuroria e Fierit ndonese pretendimet per trafik droge duhet te hetohen nga Krimet e Renda. Nje turp live i genjeshtres se KM Rama.
Deklarata e Ramës, bërë dje në “Zonë e Lirë”:
“E di ku ka përfunduar, por në Republikën e Shqipërisë ai është dënuar nga Gjykata e Krimeve të Rënda. Me këto farë gjykatash, ose je i pandehur politik, ose kaq shumë provohet fajësia jote, sa nuk bëjmë dot një pazar për të liruar. Kështu që, kur e ka dënuar Gjykata e Krimeve të Rënda dhe Prokuroria e ka çuar për shpërdorim detyre dhe nuk e di se çfarë tjetër, çfarë duhet verifikuar më shumë?! Ajo Prokurori dhe ajo Gjykatë nuk kanë pasur asnjë arsye në botë që të lëvizin një gisht për hatër të Saimir Tahirit”.
