Komuna e Strugës dëshiron të pajisë ndriçimin publik me drita të reja LED më efikase dhe kontroll inteligjent të ndriçimit.
I projektuar nga kompania Austriake me përfaqësues Behir Mena dhe mbështetur nga ambasada e Austrisë në Maqedoni, ky projekt parashikon të përmisojë ndriçimin publik dhe të reduktojë kostot, duke zëvendësuar dritat LED ekzistuese me dritat e sistemit të teknologjisë moderne.
Përmes përmisimit të ndriçimit publik do të ketë edhe rritje të atraktivitetit në të gjitha prespektivat e qytetit, si: atraksionet turistike, rrugët tregtare, restorante e shumë mjedise të tjera.
Kjo mund të ndodhë, pasi Struga është një destinacion i rëndësishëm turistik dhe atraktiviteti i saj rritet më tej përmes ndriçimit të balancuar.
Vetëm në këtë mënyrë numri i turistëve dhe vizitorëve do të rritet, pasi do të ndjehen të sigurt në ambjente ku ndriçimi nuk do të mungojë.
Drita do të jetë prezente në vendin dhe kohën e duhur, duke rritur ndjenjën e sigurisë jo vetëm tek turistët por edhe tek qytetarët vendas.
Zvogëlimi i dritave të rrugëve gjatë orëve jashtë mbipopullimit, do të reduktojë ndotjen nga drita dhe do të përfitojmë ardhjen e florës dhe faunës lokale.
Si dhe duke rregulluar mirë nivelet e ndriçimit do të reduktohen emetimet e Dioksitit të Karbonit, gjë që do të krijojë jo vetëm një ambjent të ndriçuar mirë por edhe të shëndetshëm.
Ndriçimi publik është i orientuar drejt së ardhmes dhe ka parakushtet për zgjidhje të zgjuara të qytetit.
Ai ka mundësi për të përcaktuar llojin e dritës, zvogëlimin ose zbehjen e ndriçimit të dritës në rrugë me orare të përcaktuar.
Po ashtu një nga përparësitë e ndriçimit publik është reduktimi i konsumit të energjisë elektrike, njoftimet për defektet, alarmet dhe dështimet.
Nga ana tjetër, ky projekt ka si synim që operatorëve t’u mundësohet të marrin kontrollin e plotë e të gjithë infrastrukturës rrugore të ndriçimit të tyre, duke bërë të mundur aktivizimin e të gjithë veprimeve më lart.
