Drejtuesja e AKSH-it, Mirlinda Karçanaj ka deklaruar se do të dixhitalizohet sistemi i legalizimeve dhe se përgjigja do të jetë me vulë dixhitale.
Në prezantimin e drejtueses së re të Agjencisë Shtetërore të Kadastrës, Karçanaj tha se janë reduktuar aktet e verifikimit që shpesh kanë qenë abuzive.
Më tej ajo u shpreh se janë reduktuar aktet e verifikimit që shpesh kanë qenë abuzive.
Drejtuesja e AKSH, Mirlinda Karçanaj: Edhe ata që ishin më optimistët nuk e besonin se mund të kishte shërbime dixhitale për Kadastrën. Kurrsesi nuk mund të mendonin që do të kishin certifikata të pronave me vulë dixhitale. E pramë te 74 shërbimet e Kadastrës sot janë online në e-albania, që nga regjistrimi fillestar i pronës, tek regjistrimi i akteve të trashëgimisë, tek saktësimi i kufijve. 640 mijë aplikime janë bërë vetëm në e-albania. Përfundimi ka qenë me vulë dixhitale, u janë kursyer qytetarëve 110 vite pritje në radhët e tmerrshme në dyert e hipotekave. Kemi një sistem të integruar që ju shërben të gjitha institucioneve publike.
I kemi kushtuar vëmendje dhe përmirësimit të sistemit. Ai aplikim që vjen i pari, ai do të trajtohet i pari. Nuk ka nevojë më të kërkosh një mik në Kadastër sepse mjafton të bësh një klik. Tani ato janë totalisht të monitorueshme dhe sistemi verifikon. Qytetari informohet me sms ose e-mail që kërkohet një dokument shtesë për aplikimin e tij. Agjencia shikon në kohë reale se kush vonohet dhe pse vonohet. Kemi krijuar më në fund modulin e regjistrimit fillestar, ku tashmë janë të certifkuara me nënshkrim elektronik dixhitalizimet masive që po vazhdojnë. Deri tani, ka pasur gabime pafund në dixhitalizimet masive, faji mbetej jetim, tani nuk mbetet më i tillë. Nuk kemi më në Kadastër, sistemi i vjetër e i ri. Kemi një sistem të integruar multifunksional që është në shërbim të të gjithëve. U përmirësua dhe infrastruktura, si në qendër, ashtu edhe në zyrat rajonale, nuk kemi asnjë vonesë.
Tani jemi gati për implementimin e teknologjisë “block chain”. Jemi duke implementuar, duke e bërë në këtë moment për të gjitha transaksionet e pronës. Qytetari do të njoftohet për çdo njoftim që është bërë, si dokument shoqërues. Njoftimi shkon dhe në organet ligjzbatuese. I ka ardhur koha përmirësimit të shërbimeve në e-albania. Do i optimizojmë dhe në 6-mujorin e ardhshëm, do të integrojmë pagesën e menjëhershme. Nuk do të kemi më çifligje: Tirana veri, Tirana jug, sistemi është në gjendje që të shpërndajë punën në mënyrë të barabartë kudo, tek ai punonjës që është i lirë, tek ai i cili ka radhë që është në Shkodër apo në Tiranë, mjafton që dosja e plotë fizike të skanohet, të dixhitalizohet me nënshkrim elektronik dhe personi të fillojë punën. Më në fund do të dixhitalizojmë edhe sistemin e legalizimeve. Deri tani ka qenë vetëm aplikimi në e-albania, tani do të jetë i plotë i gjithë procesi i punës. Çdo hap do të jetë dixhital, transparent dhe përgjigjia do të jetë me vulë dixhitale.
