Teksa prezantoi emrat e 12 drejtuesve të rinj të policisë së shtetit, ministri i brendshëm Ervin Hoxha kujtoi masakrën me 4 viktima në Dobraç të Shkodrës.
Gjatë fjalës së tij, ai tha se autorët duhet të shkojnë sa më shpejt para drejtësisë.
“Shkodra duhet të zbardhet plotësisht dhe para drejtësisë duhet të dërgohen autorët.
Edhe çdo ngjarje e vogël që nuk bën lajm e bujë duhet të marrë vëmendjen e duhur nga policia.
Duhet të marrin fund praktikat e ndodhura në fshat që qytetarët ngacmohen nga punonjës të papërgjegjshëm për riparimin e një palë shkallësh apo një avllie, policia ka mision tjetër”, tha Hoxha.
