Analisti Baton Haxhiu tha në emision “Opinion” përparësitë dhe dobësitë e listës së PS për drejtuesit e qarqeve, të cilët u zgjodhën më 8 shtator nga kryesocialisti Edi Rama.
Haxhiu tha se emrat që mund të konsiderohen si dobësi për “skuadrën e Ramës” janë Erion Veliaj, Pandelia Majko dhe Mirela Kumbaro.
Për Veliajn, analisti tha se është një dobësi për shkak se ai dhe stafi i tij në Bashkinë e Tiranës janë marrë në pyetje nga SPAK. Majkon e cilësoi dobësi për shkak se sipas tij, nuk i ka dhënë asnjë PS.
Një tjetër emër që Haxhiu e radhit te të dobëtit e drejtuesve politik të qarqeve është Mirela Kumbaro.
“Mendoj që është më e mira e mundshme përveç Pandeli Majkos i cili i takon strukturës së vjetër. S’ka asnjë rrezik në listë, asnjë rrezik të atakimit të figurave që kanë ndonjë lidhje të vogël me korrupsion. Është listë e pastër. Problematikat? Erion Veliaj për faktin që stafi i tij ka pasur.. ai dhe stafi i tij kanë qenë personazhe të SPAK. Pandeli Majko që është në Kukës për shkak se i takon gardës së vjetër dhe nuk ka ndonjë peshë politike, nuk i takon kësaj gjenerate që do i sjellë risi. Nuk ka sjellë asnjë gjë në PS. Dobësi gjithashtu është edhe Mirela Kumbaro që për mua nuk e ka pasur vendin në këtë listë edhe pse në Gjirokastër është e adhuruar, por nuk i plotëson. Mirela Kumbaro në Gjirokastër qëndron mirë. Ajo që ka pengesa është mënyra se si ajo qeveris brenda Ministrisë së saj”, u shpreh Baton Haxhiu.
