Një aksident ka ndodhur këtë mbrëmje në kryeqytet, ku pas një parakalimi të gabuar, drejtuesi i një automjeti ka përplasur një tjetër makinë të parkuar dhe gjithashtu autobusin e linjës së Unazës.
Policia njofton se si pasojë e përplasjes ka vetëm dëme materiale.
“Më datë 05.09.2023, në Rrugën Bardhyl, shtetasi R. M., duke drejtuar automjetin e tij, dyshohet se ka kryer parakalim të gabuar dhe është përplasur me një automjet të parkuar dhe me autobusin e linjës së Unazës, me drejtues shtetasin B. K. Si pasojë e përplasjes ka vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të aksidentit”, thuhet në njoftimin e policisë./Opinion.al
