Shtatë zyrtarë iranianë janë sanksionuar së fundmi nga Shtetet e Bashkuara të Amerikës. Sanksionet janë vendosur lidhur me kufizimin e qasjes në internet dhe dhunën e vazhdueshme kundër protestuesve paqësorë.
Yadollah Javani, shefi i Policisë së zbatimit të ligjit në Teheran, është në mesin e zyrtarëve që iu janë vendosur sanksione.
Ndërkaq, Departamenti amerikan i Thesarit njoftoi se përveç Javanit, edhe zyrtarë tjerë të janë sanksionuar. Bëhet me dije se sanksione janë vendosur ndaj ministrit të Brendshëm, Ahmad Vahidi, ministrit të Komunikimit, Eisa Zarepur dhe Vahid Mohammad Naser Majid, kreut të Policisë kibernetike iraniane.
Protestat në Iran po vazhdojnë pas vdekjes së 22-vjeçares Mahsa Amini në paraburgim. Amini u arrestua më 13 shtator nga Policia e moralit për mbajtjen e pahijshme të hixhabit, shaminë që gratë duhet të mbajnë në publik sipas ligjit iranian.
Më 23 shtator, SHBA-ja njoftoi se se do të lehtësojë kufizimet e eksportit ndaj Iranit, me qëllim që të zgjerojnë qasjen në shërbimet e internetit, për shkak të kufizimit nga Qeveria iraniane pas protestave që po organizohen atje.
Që nga vdekja e Aminit më 16 shtator, protestat anti-qeveritare kanë shpërthyer në Republikën Islamike.
