Drejtoria e Tatimeve kallëzon në Prokurori 72 persona

Drejtoria e Tatimeve ka kallëzuar në prokurori 72 persona të cilët po hetohen ne gjendje të lirë për krime të skemave të mashtrimit me TVSH-në, fshehje e të ardhuave dhe mospagim taksash dhe tatimesh.
Demi i shkaktuar buxhetit të shtetit nga 54 biznese që përfaqësohen nga këta persona, përllogaritet në 40 milionë dollarë.
Në katër raste të skemave të mashtimit me TVSH-në, ku nën akuzë janë vënë 21 persona, hetimi tatimor thotë se dëmi është rreth 304 milionë lekë të reja.
12 raste janë referuar për fshehje e të ardhurave me një dem rreth 800 milionë lekë.
Ndërsa për mospagim taksash dhe tatimesh janë referuar 21 raste dhe buxhetit të shtetit i është shkaktuar një dëm prej rreth 3 milardë lekësh të reja.
Kontrolli i drejtorisë së Hetimit Tatimor i përket periudhes Tetor-Dhjetor të vitit 2017.
Për të gjithë rastet është arritur të bëhet dokumentimi i plotë ligjor i veprimtarisë së paligjshme të këtyre subjekteve.
Në bashkëpunim me Prokuroritë përkatëse vijon puna për përfundimin sa më të shpejtë të hetimit dhe dërgimin e autorëve për gjykim nga organet e drejtësisë.
Ndërsa çështje të tjera janë në hetim nga prokuroritë e rretheve pasi skemat e mashtrimit me TVSH-në dhe mospagimi i taksave nga bizneset, janë në nivele mjat të larta.
Tv Klan