Në mbledhjen e sotme të qeverisë është vendosur krijimi i një rrjeti koordinatorësh për luftën ndaj korrupsionit në administratën publike.
Ka qenë Ministri i Drejtësisë Ulsi Manja, i cili tha se tashmë pas këtij ligji në Ministrinë e Drejtësisë do të krijohet një drejtori antikorrupsion në të cilën do të vendosen të gjitha strukturat që deri më tani kanë qenë të vendosura pranë Kryeministrisë.
“Kalon ligji për krijimin dhe funksionimin e rrjetit të koordinatorëve antikorrupsion. Si koordinator kombëtar kundër korrupsionit , e vlerësoj një shprehje të vullnetit të kësaj qeverie për të luftuar korrupsionin në administratën publike. Me vendimin e sotëm ridimensionohet një funksion i ri që do të jetë krijimi i një drejtorie të re antikurrupsion. Të gjitha drejtoritë antikorrupsion në zyrën e Kryeministrit o të përqendrohen në drejtorinë antikorrupsion në Ministrinë e Drejtësisë”, tha Manja duke u shprehur se shumë shpejt do të flitet me raste konkrete që do të kalohen pranë SPAK dhe Prokurorisë./Opinion.al
