Nuk ka më dyshime. Ka qenë kreu i Komisionit të Sigurisë ai që ka hyrë në burgun 302 që ndodhet tek rruga “Mine Peza”. Zyrtatë të Drejtorisë së Burgjeve kanë pohuar për “Panoramën” se Braho vizitoi në burg një ish-zyrtar.
Sipas tyre, ekspontenti i lartë i LSI, Spartak Braho takoi ish-zëvendësdrejtorin e Përgjithshëm të Burgjeve, Iliaz Labi, person nën hetim në masë sigurie “arrest në burg” për “korrupsion”.
Hyrja është dokumentuar në regjistrin e hyrje-daljeve të institucionit, ku shënohet edhe arsyeja e vizitës. Në rastin në fjalë, motivi ka qenë “takim me të paraburgosurin Iliaz Labi”.
Të njëjtat burime saktësuan se vizita e Brahos ka qenë e dyta në një hark kohor prej një jave. Mësohet se mes kreut të Komisionit të Sigurisë dhe ish-zëvendësdrejtorit të Burgjeve ka njohje personale e miqësi familjare dhe vizitat e shpeshta mund të kenë lidhje dhe me interesimin e deputetit për disa probleme shëndetësore nga të cilat vuan i paraburgosuri Labi.
Zyrtarë të Burgjeve kanë mohuar një takim mes Spartak Brahos dhe të dënuarit për vrasjen e policisëve, Dritan Dajti.
