Deklaratat e Mauro Icardit për vazhdimësinë e tij tek Interi, pas ndeshjes me Sassuolon nuk janë anashkaluar nga skuadra zikaltër.
Kapiteni Icardi ka thënë se e ardhmja e tij me Interin është një çështjë që duhet të vendosin drejtuesit e klubit për vazhdimësinë, nëse do të qëndroj apo do largohem.
Menjëherë pas këtyre fjalëve që ka thënë sulmuesi argjentinas, drejtorti sportiv i Interit, Piero Ausilio ka reaguar në një deklaratë: “Icardi ka një kontratë që e lidh me Interin edhe për 3 vitet e ardhshme dhe e ardhmja e tij është një çështje e shkëputur nga klasifikimi i klubit. Presim fundin e kampionatit për të folur të qetë, por se vendi i katërt apo i pestë kjo nuk ndryshon asgjë në lidhje me të. Icardi nuk është në shitje prandaj çdo klub që interesohet për të do të ketë përgjigje negative”.
Tashmë skuadra zikalter ka vendosur se me apo pa Champions League, Icardi do të qendrojë tek Interi për të mbajtur veshur fanelën zikaltër dhe shiritin e kapitenit edhe për tre vitet e ardhshme.
Ditën e diel, skuadra e Interit luan ndeshjen vendimtare kundër Lazios, ku do të luftojë për të siguruar tre pikët, në mënyrë që të zerë një vend në Champions League për vitin e ardhshëm.
