Ditën e djeshme filiali i Postës në Krujës u grabit nga persona ende të pa identifikuar. Mësohet se drejtori i Postës është Xhelal Rraja, vëllai i deputetit socialist të qarkut të Durrësit, Rrahman Rraja.
Lidhur me ngjarjen policia nuk ka mundur të identifikojë apo të ndaloj autorët, po i ka vënë pranga rojes private, duke e akuzuar atë për “Moskallzim krimi” dhe “Shpërdorim detyre”.
Sipas Policisë, shtetasi Besnik Parruca, 51 vjeç, banues në Durrës, nuk ka njoftuar Policinë për vjedhjen me thyerje të kasafortës së Postës së Krujës, ku grabitësit kanë marrë një sasi prej rreth 11 milionë lekësh dhe një sasi valute dhe më pas janë larguar.
Fisi Rraja nuk është i panjohur për policinë, pasi pak kohë më parë djali i deputetit Rrahman Rraja u akuzua për dhunë nga Xhisiela Maloku.
Ndërsa, në muajin gusht djali i Xhelal Rrajas, drejtorit të Postës, Ramazan Rraja u filmua duke dhunuar një grua në oborrin e QSUT-së.
Në një video të publikuar në rrjtet sociale, shihej një burrë që dhunonte barbarisht një grua në ambientet e jashtme të Qendrës Spitalore Universitare ‘Nënë Tereza’ në Tiranë. Protagonist ishte Ramazan Rraja, nipi i deputetit të Partisë Socialiste, Rrahman Rraja dhe djali i Xhelal Rraja./ Opinion.al
